Այս շաբաթ մենք աղոթում ենք
Սեմյուել Ցվեմերի ժառանգության վերաբերյալ
Սեմյուել Մ․ Ցվեմերը (1867–1952) ամերիկացի միսիոներ էր, որը ծառայում էր մուսուլմաններին։ Նա ծառայում էր Եգիպտոսում, Իրաքում, Բահրեյնում, Յեմենում, Լիբանանում և Արաբիայի տարբեր շրջաններում։ Նրան անվանում էին «իսլամին ուղարկված առաքյալ» և «Ավետարանի կրակոտ քարոզիչ» մուսուլմանական աշխարհում[1]։ Որպես միսիոներ մուսուլմանների մեջ, նա անհավատալի սխրանքներ գործեց՝ իր ծառայության, հետազոտությունների և աշխատությունների միջոցով։ Տարիներ տևող աշխատանքից հետո նա հայտարարում է․ «Իսլամի ուժը անշարժ նստելն է, մտածելն արգելելն է, բարեփոխիչների բերանը խցկելն է և առաջընթացից գարշելն է»։ Նրա կարգախոսն էր․ «Նա, ով չի սիրում, չի ապրում․ նա, ով ապրում է[Քրիստոսի] կյանքը, չի կարող մահանալ»[2]։
Աղոթք
Մեր Հա՛յր, որ Երկնքում ես, մենք գոհանում ենք Քեզնից Սեմյուել Ցվեմերի պես մարդկանց համար։ Դու կանչեցիր և սպառազինեցիր նրան։ Շնորհակալությո՛ւն նրա խիզախության, անձնազոհության ևհաստատակամության համար։ Ես աղոթում եմ, որ Դու կանչես բազմաթիվ երիտասարդների և պատրաստես նրանց՝ Քո Խոսքը մուսուլմանների շրջանում տարածելու մեծ առաջադրանքի համար։ Տո՛ւր նրանց խիզախություն, որ բախվեն հակառակության և թշնամանքի՝ հաստատակամությամբ և խոնարհությամբ։ Ինչպես որ Դու համակեցիր Ցվեմերին կրակով և նախանձավորությամբ, սպառազինի՛ր այս նոր ավետաբերներին անսասան նվիրմամբ և կորսվածների հանդեպ անշեղ սիրով։
Օգնի՛ր նրանց հասկանալ, որ հնազանդության ճանապարհը միշտ չէ, որ հարթ է։ Հաճախ անհրաժեշտ է մեծ գին վճարել։ Սեմյուել Ցվեմերը և նրա կինը հողին հանձնեցին իրենց չորսամյա և յոթնամյա դուստրերին Բահրեյնում՝ մեկ շաբաթվա տարբերությամբ։ Նրանք գրեցին նրանց գերեզմանների վրա․ «Արժանի է Գառը առնելու հարստություն»։ Օգնի՛ր նոր միսիոներներին պատրաստ լինել վճարելու հնազանդության գինը։
Տե՛ր Աստված Ամենակարող, այժմ Ավետարանի լուսաբաց է իսլամական աշխարհում։ Հայտնի՛ր Քո փառքը մուսուլմանների մեջ։ Հիսուսի թանկագին անունով։ Ամե՛ն։
Խոստում
«Տիրոջը հուսացողները Սիոն սարի պես են, որ չի շարժվում և կենում է հավիտյան։ Երուսաղեմի չորս կողմով սարեր կան. այնպես էլ Տերն Իր ժողովրդի չորս կողմով է՝ այսուհետև մինչև հավիտյան» (Սաղմոս 125․1,2):
[1] Քրիսթի Վիլսոն․ «Իսլամին ուղարկված առաքյալ», էջ 4։
[2] Սեմյուել Ցվեմեր․ «Ռեյմընդ Լալլ», էջ 45։