Այս շաբաթ մենք պիտի աղօթենք
Ծոմապահութիւնը Դադրեցնելու Տօնակատարութեան Մասին
Իսլամները «Ռամատան»ի միամսեայ ծոմը կ’աւարտեն տօնակատարութեամբ մը, որ կը կոչուի «Իտ Էլ Ֆըթըր», որ իսլամական երկիրներու մէջ ազգային տօն է: Այդ ընթացքին կ’ըլլան խնճոյքներ եւտօնախմբութիւններ: Կը դադրի կերակուրի եւ խմելիքի հանդէպ ինքնազսպումը: Տրամադրութիւնը կըփոխուի մռայլէն դէպի ուրախ: Ընտանիքի անդամները միասին կը հաւաքուին: Մարդիկ ողորմութիւն կուտան աղքատներուն:
Ատով հանդերձ, ցնծութեան եւ ուրախութեան այս պահին հազուադէպ չէ, որ մարդիկ իրենք զիրենքդատարկ եւ չբաւարարուած զգան:
Աղօթք
Օրհնեալ ըլլայ Քու վայելչութիւնդ երկինքի մէջ, ո՛վ Աստուած (Եզեկիէլ 3.12): Դո՛ւն ես ճշմարիտ Աստուածը, միա՛կ Աստուածը, զոր պէտք է երկրպագել եւ պաշտել: Դուն ճշմարիտ ուրախութեան եւ մխիթարութեան աղբիւրն ես. Դո՛ւն ես մեր յոյսը:
Կ’աղօթեմ այս սիրելի բարեկամներուն համար. թող անոնք Քեզի թոյլ տան, որ փոխակերպես իրենցկեանքերը: Թէեւ անոնք հիմա կը դադրեցնեն իրենց ծոմապահութիւնը եւ կը տօնեն եւ խնճոյք կ’ընեն, իրենց իրական պէտքը Յիսուսն է՝ Կենաց Հացը: Բա՛ց անոնց սիրտերը՝ Քրիստոսի պատգամը ստանալուհամար: Տո՛ւր անոնց Աստուծոյ Խօսքին քաղցն ու ծարաւը: Անոնց մէջ դի՛ր Յիսուսը ճանչնալու եւ Անորհետեւելու փափաքը:
Դուն խոստացար կոչունք մը ընել բոլոր ազգերուն, պարարտ բաներու կոչունք մը ընել (Եսաեայ 25.6): Տէ՛ր, իսլամները շատ կարիքաւոր են. անոնք Քեզի համար մեծ քաղց ունին, նոյնիսկ եթէ անոր գիտակցութիւնը չունին: Կ’աղօթեմ, որ Քրիստոսի սէրը դպչի անոնց սիրտերուն: Թող անոնք գիտնանխաչին վրայ Յիսուսի կատարած զոհաբերութեան կարեւորութիւնը: Թող անոնցմէ շատերը, նոյնիսկ այսօր, իրենց կեանքերը նուիրեն Քեզի, մեր Տիրոջ եւ Փրկիչին, եւ գտնեն ճշմարիտ խաղաղութիւն, ուրախութիւն եւ հանգիստ Քու մէջդ: Ամէն:
Խոստում
«Տօնին վերջին օրը Յիսուս կայներ էր, կ’աղաղակէր ու կ’ըսէր. “Եթէ մէկը ծարաւ է, թող ինծի գայ ու խմէ: Ան՝ որ ինծի հաւատայ՝ ինչպէս գիրքը կ’ըսէ. ‘Անոր փորէն կենդանի ջուրի գետեր պիտի բղխին’”» (Յովհաննէս 7.37-38):